សម្តេច ហ៊ុន សែន បានបញ្ជាឲ្យអាជ្ញាធរចាប់ខ្លួនអ្នកកាសែតណា ដែលដាក់ប៉ុស្តិ៍ត្រួតពិនិត្យភ្លាមៗនៅនឹងកន្លែង មិនមែនអំពាវនាវមកក្រសួងព័ត៌មាននោះទេ។ ការណែនេះ ធ្វើឡើងនៅក្នុងសន្និបាតគណៈកម្មាធិការកណ្តាល់បក្សប្រជាជនលើកទី៤០ អណត្តិទី៥ ។ នេះបើតាមគណនីហ្វេសប៊ុករបស់ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន។
លោក ខៀវ កាញារីទ្ធ បានសរសេរដូច្នេះថា៖«បើអ្នកកាសែតណាប្រព្រឹត្តខុស(ដាក់ប៉ុស្តិ៍ត្រួតពិនិត្យ)អាជ្ញាធរត្រូវវ៉ៃខ្នោះភ្លាម មិនមែនអំពាវនាវទៅក្រសួងព័ត៌មានទេ»។
កន្លងមកលោករដ្ឋមន្ត្រីក្រសួងព័ត៌មាន ក៏ធ្លាប់ស្នើឲ្យអាជ្ញាធរផ្តន្ទាទោសជនណាដែលប្រើប្រាស់ស្លាកលេខម៉ូតូសារព័ត៌មានដែរ។
គណបក្សប្រជាជនកម្ពុជាកំពុងរៀបចំសន្និបាតលើកទី៤០ របស់ខ្លួននៅមជ្ឈមណ្ឌលកោះពេជ្រ ដើម្បីពិនិត្យមើល និងវាយតម្លៃ សភាពការណ៍នយោបាយ សេដ្ឋកិច្ច និងផែនការ ដែលបានកើតឡើង និងបានអនុវត្ត បន្ទាប់ពីសន្និបាតលើកទី ៣៩ កាលពីឆ្នាំមុន៕
ថ្មីៗ
អត្ថបទ : ថ្មីៗ
No comments:
Post a Comment