ភ្នំពេញ: លោក ឌ្រីហ្គោ រ៉ូ ឌូតឺតេ (Drigo Rao Duterte) ប្រធានាធិបតីទី១៦ របស់សាធារណរដ្ឋហ្វីលីពីន បានជួបពិភាក្សាការងារ ជាមួយសម្តេចនាយករដ្ឋមន្ត្រី ហ៊ុន សែន កាលពីរសៀលថ្ងៃទី១៤ ខែធ្នូ នៅវិមានសន្តិភាព ដោយបានពិភាក្សា លើបញ្ហាសំខាន់ៗ មួយចំនួន ដូចជា វិស័យនយោបាយ សេដ្ឋកិច្ច ពាណិជ្ជកម្ម កសិកម្ម កីឡា និងវិស័យសន្តិសុខ រួមទាំងបញ្ហាមួយចំនួនទៀត។
នៅក្នុងជំនួបលោក ឌ្រីហ្គោ រ៉ូ ឌូតឺតេ បានបញ្ជាក់ថា ទំនាក់ទំនង រវាងកម្ពុជា និងហ្វីលីពីន គឺជាទំនាក់ទំនងបងប្អូន និងមានរយៈពេលយូរលង់ ណាស់មកហើយ គឺ៥៩ឆ្នាំហើយ នៅឆ្នាំ២០១៧ គឺជាខួបលើកទី៦០ នៃទំនាក់ទំនងការទូត រវាងកម្ពុជា និងហ្វីលីពីន។ លោកបានប្រកាសផ្តល់ អាហារូបករណ៍ ជូនកម្ពុជាចំនួន ៦០កន្លែង លើវិស័យផ្សេងៗ ដើម្បីឲ្យនិស្សិតកម្ពុជា បានទៅសិក្សានៅហ្វIលីពីន។ លោកបានបញ្ជាក់ថា ការផ្តល់អាហារូបករណ៍នេះ នឹងជំរុញបន្ថែមទៀត នូវទំនាក់ទំនង រវាងប្រទេសទាំងពីរ តាមរយៈការចែករំលែក ចំណេះដឹង និងបទពិសោធន៍ រវាងគ្នានឹងគ្នា។
ប្រធានាធិបតីហ្វីលីពីន បានបន្តថា ការចុះអនុស្សរណៈយោគយល់គ្នានេះ នឹងពង្រីកទំនាក់ទំនង រវាងប្រទេសទាំងពីរ ឲ្យកាន់តែស៊ីជម្រៅថែមទៀត ជាពិសេសលើ វិស័យទេសចរណ៍ ពាណិជ្ជកម្ម កីឡា និងវិស័យកិសកម្ម។ លោកបានបញ្ជាក់ថា អង្ករកម្ពុជា បាយកម្ពុជា គឺមានរសជាតិឆ្ងាញ់ណាស់។ លោកនឹងបន្តឲ្យហ្វីលីពីន សហការជាមួយកម្ពុជា លើវិស័យកសិកម្មនេះ។
ជាការឆ្លើយតប សម្តេចតេជោ ហ៊ុន សែន បានថ្លែងអំណរគុណ ចំពោះលោក ឌ្រីហ្គោ រ៉ូ ឌូតឺតេ ដែលបានប្រកាស ផ្តល់អាហារូបករណ៍ ចំនួន៦០កន្លែង និងបានថ្លែងអំណរគុណផងដែរ ជូនចំពោះលោក ឌ្រីហ្គោ រ៉ូ ឌូតឺតេ និងប្រជាជន រដ្ឋាភិបាលហ្វីលីពីន ដែលកន្លងមក បានផ្តល់ជំនួយដល់កម្ពុជា ជាពិសេស លើវិស័យធនធានមនុស្ស។
ជាមួយគ្នានេះ សម្តេចនាយករដ្ឋមន្ត្រី ហ៊ុន សែន ក៏បានលើកឡើង អំពីកិច្ចសហប្រតិបត្តិការ រវាងប្រទេសទាំងពីរ ទី១.កិច្ចសហប្រតិបត្តិការ លើវិស័យនយោបាយ គឺមានទំនាក់ទំនង ៦៩ ឆ្នាំហើយ នៅឆ្នាំក្រោយនេះ (២០១៧) គឹជាខួប៦០ឆ្នាំ ដោយសម្តេចបានស្នើសុំ ឲ្យក្រសួងការបរទេសកម្ពុជា សហការជាមួយ ក្រសួងការបរទេស ហ្វីលីពីន ដើម្បីរៀបចំខួប៦០ឆ្នាំនេះ ដើម្បីជំរុញពង្រឹងបន្ថែមទៀត នូវកិច្ចសហប្រតិបត្តិការ រវាងប្រទេសទាំងពីរ។ សម្តេចក៏បានស្នើសុំភាគីកម្ពុជា និងហ្វីលីពីន រៀបចំកិច្ចប្រជុំគណៈកម្មការចម្រុះ កិច្ចសហប្រតិបត្តិការ ជាលើកទី២ ដែលរដ្ឋមន្ត្រីក្រសួងការបរទេស ប្រទេសទាំងពីរ ជាប្រធាន និងដើម្បីពិនិត្យមើល សក្តានុពលទាំងឡាយណា ដែលប្រទេសទាំងពីរមាន។
ពាក់ព័ន្ធកិច្ចសហប្រតិបត្តិការ លើវិស័យសេដ្ឋកិច្ច និងពាណិជ្ជកម្ម សម្តេចតេជោ ហ៊ុន សែន បានមានប្រសាសន៍ថា យើងមានកិច្ចសហប្រតិបត្តិការ លើវិស័យនេះ ប៉ុន្តែកិច្ចសហប្រតិបត្តិការនេះ នៅមានកម្រិតនៅឡើយ ដោយសម្តេច បានស្នើសុំឲ្យ ក្រសួងពាណិជ្ជកម្ម នៃប្រទេសទាំងពីរ និតិត្យមើលលទ្ធភាព ផ្សេងៗទៀត ដើម្បីធ្វើយ៉ាងណា ពង្រីកទំហំពាណិជ្ជកម្ម នៃប្រទេសទាំងពីរ ឲ្យកាន់តែធំឡើងថែមទៀត តាមរយៈការធ្វើពិព័រណ៍ ពាណិជ្ជកម្ម ឬក៏តាមការយកពន្ធត្រួតគ្នា។
នាយករដ្ឋមន្ត្រីកម្ពុជា ស្នើសុំឲ្យប្រធានាធិបតី ហ្វីលីពីន ជំរុញលើកទឹកចិត្ត ឲ្យមានការហោះហើរត្រង់ មកកាន់កម្ពុជា កាន់តែច្រើនថែមទៀតលើវិស័យទេសចរណ៍។ សម្តេចតេជោហ៊ុន សែន បានមានប្រសាសន៍ថា យើងមានទេសចរណ៍ហ្វីលីពីន មកកាន់កម្ពុជា ប្រមាណជា ៤ ម៉ឺននាក់ ហើយទេសចរណ៍នេះ តាមរយៈលោក ប្រធានាធិបតីហ្វីលីពីន នឹងមានការកើនឡើងទៀត ប្រសិនណា បើមានការហោះហើរត្រង់ កាន់តែច្រើនជើង ទៀតនោះ ភ្ញៀវទេសចរណ៍ នឹងមកកាន់កម្ពុជា កាន់តែច្រើនឡើង។ សម្តេចបានស្នើសុំ ឲ្យប្រធានាធិបតីហ្វីលីពីន ពិនិត្យជំរុញលើកទឹកចិត្ត ឲ្យមានការហោះហើរត្រង់ មកកាន់កម្ពុជា កាន់តែច្រើនថែមទៀត ដើម្បីជម្រុញទេសចរណ៍ ឲ្យមកកាន់កម្ពុជា។
ទាក់ទងវិស័យកសិកម្ម សម្តេចតេជោ បានជម្រាបជូន ប្រធានាធិបតីហ្វីលីពីនថា កម្ពុជាមានអង្ករ និងជាអធិរាជអង្ករ ហើយហ្វីលីពីន គឺជាប្រទេសមួយ ដែលនាំអង្ករចេញ ដូច្នេះកម្ពុជា សូមបើកជំហរ ឲ្យអ្នកវិនិយោគ ហ្វីលីពីន មកវិនិយោគ ១០០% នៅកម្ពុជាតែម្តង នោះ គឺអ្នកវិនិយោគហ្វីលីពីន អាចមកដាក់ទុនផលិត ប្រមូលទិញ កិន និងនាំចេញទាំងស្រុងតែម្តង។
ពាក់ព័ន្ធកិច្ចសហប្រតិបត្តិការ លើវិស័យសន្តិសុខ សម្តេច ហ៊ុន សែន បានស្នើឲ្យបន្តជំរុញ លើវិស័យប្រយុទ្ធប្រឆាំង ឧក្រិដ្ឋកម្មឆ្លងដែន និងវិស័យភេរវកម្ម និងការប្រយុទ្ ធប្រឆាំងគ្រឿងញៀន។
ជាមួយគ្នានេះ សម្តេចនាយករដ្ឋមន្ត្រី ហ៊ុន សែន បានសម្តែងនូវ ការអបអរសាទរ ជូនចំពោះប្រទេសហ្វីលីពីន ដែលនឹងត្រូវធ្វើជា ប្រធានអាស៊ាន នៅឆ្នាំ២០១៧ ខាងមុខនេះ ។ សម្តេចតេជោ បានបញ្ជាក់ថា កម្ពុជានឹងគាំទ្រ នូវគំរោងអាទិភាព របស់ហ្វីលីពីន និងសហការ ជាមួយហ្វីលីពីន ដើម្បីធ្វើយ៉ាងណា ឲ្យកិច្ចប្រជុំអាស៊ាន នៅប្រទេសហ្វីលីពីន បានទទួលជោគជ័យ៕
CEN
ដោយ: មុនីរាជ
No comments:
Post a Comment