ភ្នំពេញ: លោក George Edgar ឯកអគ្គរដ្ឋទូតសហភាពអឺរ៉ុប បានគូសបញ្ជាក់ជាថ្មី ពីការប្តេជ្ញាចិត្តរបស់ ដៃគូអភិវឌ្ឍន៏អឺរ៉ុប នៅវិមានរដ្ឋសភាជាតិ នាព្រឹកថ្ងៃទី១៥ ខែធ្នូ ឆ្នាំ២០១៦ថា កញ្ចប់ថវិការបស់ សហភាពអឺរ៉ុប ដែលជាដៃគូអភិវឌ្ឍន៍កម្ពុជា ក្នុងរយៈពេល៥ឆ្នាំ មានទឹកប្រាក់សរុប ប្រមាណជា ១,៤ ពាន់លានអឺរ៉ូ ប្រហាក់ប្រហែលជិត ១,៨ ពាន់លានដុល្លារអាមេរិក។
លោក George Edgar បានបន្តថា យុទ្ធសាស្ត្ររបស់សហភាពអឺរ៉ុប ដែលជាដៃគូអភិវឌ្ឍន៍ ត្រូវបានតម្លើងជាមួយនឹងយុទ្ធសាស្ត្រ ចតុកោណដំណាក់កាលទី៣ របស់រដ្ឋាភិបាល ព្រោះសហភាពអឺរ៉ុប មានគោលដៅយុទ្ធសាស្ត្រ ចំនួន៤សំខាន់ៗ រួមមានគឺ កំណើនការងារសមធម៌ និងប្រសិទ្ធិភាព ជាការឆ្លើយតប ផែនការយុទ្ធសាស្ត្រ អភិវឌ្ឍន៍ជាតិ ឆ្នាំ២០១៤-២០១៨ និងប្រែក្លាយគោលដៅ យុទ្ធសាស្ត្រទាំងនោះ ទៅជាផែនការជាតិ សម្រាប់អនុវត្តជាមួយនឹង ក្របខណ្ឌលទ្ធផលពាក់ព័ន្ធ។ ក៏ដូចជា ស្ថាប័នរដ្ឋសភា ព្រឹទ្ធសភា បានសហការ ជាមួយដៃគូអភិវឌ្ឍន៍ រួមទាំងសហភាពអឺរ៉ុប ដែលមានកិច្ចសហការ យ៉ាងជិតស្និទ្ធ លើការជំរុញការអភិវឌ្ឍន៍ ស្របតាមគោលការណ៍លទ្ធិប្រជាធិបតេយ្យ នីតិរដ្ឋ និងការគោរពសិទ្ធិមនុស្ស។
នៅក្នុងឱកាសពិភាក្សានោះដែរ លោក ឈាង វុន ប្រធានគណកម្មការទី៥ រដ្ឋសភា បានធ្វើបទបង្ហាញថា ចាប់តាំងពីឆ្នាំ១៩៩៣ មក រដ្ឋាភិបាលកម្ពុជា ក៏ដូចជាស្ថាប័នរដ្ឋសភា ព្រឹទ្ធសភា បានសហការ ជាមួយដៃគូអភិវឌ្ឍន៍ រួមទាំងសហភាពអឺរ៉ុប ដែលមានកិច្ចសហការ យ៉ាងជិតស្និទ្ធ លើការជំរុញការអភិវឌ្ឍ ស្របតាមគោលការណ៍ លទ្ធិប្រជាធិបតេយ្យ នីតិរដ្ឋ និងការគោរពសិទ្ធិមនុស្ស។
លោកបានបញ្ជាក់ថា រដ្ឋសភា ក្នុងតួនាទីជាអ្នកបង្កើតច្បាប់ ការតាមដានការអនុវត្តច្បាប់ និងជាតំណាងប្រជាពលរដ្ឋកម្ពុជា គឺរដ្ឋសភា បានអនុម័តច្បាប់ជាច្រើន ដើម្បីបំពេញតម្រូវការ តាមបរិបទសង្គមកម្ពុជា និងតំបន់ ក៏ដូចជា ពិភពលោក ក៏ដូចជាស្មារតីអាស៊ាន។
លោក ជាម យៀប ប្រធានគណៈកម្មការទី២ រដ្ឋសភា បានមានប្រសាសន៍ថា យុទ្ធសាស្ត្រអភិវឌ្ឍន៍កម្ពុជា របស់សហភាពអឺរ៉ុប គឺបានចូលរួមឲ្យកម្ពុជា មានកំណើនសេដ្ឋកិច្ច និងបង្កើតភាពសក្តិសិទ្ធិ នៅស្ថាប័នសាធារណៈ និងការលើកកំពស់វិស័យអប់រំ សុខាភិបាល ការពង្រឹងការអនុវត្តច្បាប់ និងលទ្ធិប្រជាធិបតេយ្យ បានយ៉ាងល្អ ៕
CEN
ដោយ: មុនីរាជ
No comments:
Post a Comment